{{اسألني قبل تجرك الظنون}}

اسألني.....!.


اسألني اسألني قبل تجرك الظنون
واسمعني قبل يتعبك الغضب

ادري باللي فيك يالقلب الحنون
النوايا بيض والغيره تعب

علمني كيف من حبك يخون

كيف أخونك وأنت من نفسي أحب..........!

خاطرك غالي وحبي لك حنون
والعمر مابين رمشن وهدب

همك اللي ذاب في سود العيون
صدقني ماله بقلبك سبب.....!

ماسواك أحد على روحي يمون
وماسوى حبك على قلبي انكتب

مانشدت الشمس بعدك وش تكون.......!
وماسألت الريح من وين المهب

عاتبني حب والدنيا تهون
وشهو احلى من الرضا بعد العتب......!